குறிப்புக்கள் - (Notes)
வேறுபாடுகள் - (Pathanthara)

மேற்கோள்கள்
² - த₄ர மனுஜாவதார - புவியில் மனித அவதார - வால்மீகி ராமாயணம், பால காண்டம், அத்தியாயம் 17 - எந்தெந்த வானோருக்கு, யார் யார் பிறந்தனர் என்ற விவரம் காணவும்.

³ - கின்னர - கின்னரர் - தேவருள் ஒரு பாலர் - குதிரை முகமும் மனித உடலுமுடையோர்.
⁴ - கிம்புருஷ - கிம்புருடர் - ஏமகூடத்தில் வசிக்கும் குபேரனின் சேவகர்கள்.
⁵ - வித்₃யாத₄ர - வித்தியாதரர் - சிவ கணங்கள்

Top

⁸ - கி₃ரினி வெலயு - மலையில் ஒளிரும் - வாலியைக் கொன்றபின், மழைக் காலம் முடிவடையும் வரை, இராமனும், இலக்குவனும், 'ப்ரஸ்ரவண கிரி' என்ற மலையில் தங்கினர். ஆனால், தியாகராஜர், தன்னுடைய 'கி₃ரிபை நெலகொன்ன' என்ற கீர்த்தனையில், 'மலையில் ஒளிரும் இராமன்' என்று திரும்பவும் குறிப்பிடுகின்றார். அவ்விடத்தில் 'கிரி' என்பது 'சுவேல மலை'யைக் குறிக்கும் என்று கூறப்பட்டுள்ளது'.

"கந்த புராணத்தில், 'சுவேல மலை ராமனை' சாகுந் தறுவாயில், நினைந்தால், வைகுண்டம் கிடைக்கும் எனக் கூறப்பட்டுள்ளது. இது தியாகராஜ ஸ்வாமிகளுக்குத் தெரியும். எனவே, அவர் (தியாகராஜர்) கடைசி காலத்தில், அந்த ராமனை தியானித்து, இந்த கீர்த்தனையை இயற்றினார்."

"ராமன் சுவேல மலை மீதேறி இலங்கை நகரினை பார்வையிட்டான்." - வால்மீகி ராமாயணம், யுத்த காண்டம், அத்தியாயம் 38 நோக்கவும்.

⁹ - கு₃ரி தப்பக - குறி தவறாது. விஷ்ணு, ராமனாக அவதரிக்கப் போவது பற்றி வானோருக்கு, பிரமன் கூறுவதனை, வால்மீகி ராமாயணம், பால காண்டம், அத்தியாயம் 17-ல் நோக்கவும்.
Top

விளக்கம்
¹ - மோஹன - மாட்சிமையினைக் குறிக்கும்.

⁶ - சந்த்₃ர - சந்திரனுக்குப் பிறந்தது யாரென வால்மீகி ராமாயணத்தில் ஏதும் கூறப்பட்டிருப்பதாகத் தெரியவில்லை.

⁷ - பக்ஷி - வால்மீகி ராமாயணத்தில் 'ஜடாயு' மற்றும் 'சம்பாதி' என்ற இரண்டு கழுகுகள் கூறப்படுகின்றன. இவ்விருவரும் சோதரர்கள். 'ஜடாயு' சீதையை, ராவணன் கவர்ந்து செல்கையில், அவனுடன் போரிட்டு மாண்டவன். 'சம்பாதி', அனுமன் முதலானோருக்கு, சீதை, அசோக வனத்தினில் இருப்பதைக் கண்டு உரைத்தான்.

ஜடாயு, தன்னை, 'தசரதனின் நண்பன்' என ராமனிடம் அறிமுகப்படுத்திக்கொள்கின்றான். எனவே 'ஜடாயு' மற்றும் 'சம்பாதி'யின் பிறப்பு, ராமாவதாரத்திற்கு முற்பட்டதாகத் தோன்றுகின்றது.

சுரர் - வானோர்
Top